Samstarf í Körfuboltaakademíu FSu

Grein skrifuð Föstudagur, 13 apríl 2018
 

Í dag undirrituðu fulltrúar Körfuknattleiksfélags Selfoss og körfuknattleiksdeilda Umf. Þórs, Umf. Hrunamanna og Íþróttafélagsins Hamars samning um samstarf félaganna í Körfuboltaakademíu FSu um rekstur drengja- og stúlknaflokks, og að senda sameiginleg lið í þessum aldursflokkum til keppni undir nafni FSU-AKADEMÍU.

Í samningnum segir að meginmarkmiðin með samstarfinu séu að bjóða upp á alhliða afreksþjálfun í körfubolta eins og best gerist og veita efnilegum unglingum og verðandi afreksfólki á Suðurlandi tækifæri til að keppa við jafnaldra sína á hæsta getustigi hér á landi og, síðast en ekki síst, að beina sjónum sérstaklega að því að gefa stúlkum aukin tækifæri til að stunda körfuknattleik við metnaðarfullar aðstæður. 

Akademían verður tvískipt og strákum og stelpum þannig gefin jöfn og sömu tækifærin.

Samningurinn er til þriggja ára en að loknu reynslutímabili vonast félögin til að um framtíðarskipan mála verði að ræða, sem muni efla fagmennsku og lyfta undir allt starf félaganna, börnum og unglingum á svæðinui til hagsbóta.

Á meðfylgjandi mynd má sjá Jóhönnu Hjartardóttur frá Þór, Gylfa Þorkelsson frá SELFOSS-KÖRFU, Árna Þór Hilmarsson frá Umf. Hrunamanna og Daða Stein Arnarson frá Hamri munda pennana og undirrita samninginn.

Akademíusamstarf

FSu Karfa

Tryggvagötu 25
800 Selfoss
Kt 550606-0890

FSu karfa

Thursday the 15th. Template by Joomla Template 2.5. FSu Karfa - Selfoss
Copyright 2012

©