Tveir Skagfirðingar styrkja hópinn

Grein skrifuð Mánudagur, 04 júní 2018
 

Skagfirðingarnir Hlynur Freyr Einarsson og Friðrik Hrafn Jóhannsson hafa ákveðið að ríða Kjöl í sumar og dvelja á Selfossi næsta vetur. Þeir munu leggja sín lóð á vogarskálarnar til að styrkja leikmannahópinn í bænum fyrir átökin í 1. deildinni.

Hlynur er tvítugur, sterkur framherji með hæfileika bakvarðar. Hann er ógnandi af þriggjastiga færi, með góðan leikskilning og öflugur í fráköstum. Hlynur var valinnHlynur Freyr2 besti leikmaður Tindastóls í unglingaflokki á liðnu tímabili.

Friðrik er ári eldri, snöggur leikstjórnandi/skotbakvörður, góður varnarmaður á bolta og með ólgandi baráttukrafti sínum er hann gaurinn sem öll lið þurfa til að halda mönnum á tánum.

Báðir eru þessir strákar afar vinnusamir og, sem er ómetanlegt, gegnheilir eðaldrengir.

Verið velkomnir á Selfoss, fóstbræður.

Friðrik Hrafn2

FSu Karfa

Tryggvagötu 25
800 Selfoss
Kt 550606-0890

FSu karfa

Tuesday the 11th. Template by Joomla Template 2.5. FSu Karfa - Selfoss
Copyright 2012

©