Samningar undirritaðir.

Grein skrifuð Miðvikudagur, 10 apríl 2013
 

photo 5Erik Olson hefur skrifað undir framlengingu á samningi sínum við Körfuknattleiksfélag FSu og verður hann því aðalþjálfari liðsins til loka tímabilsins 2014. Á sama tíma skrifaði Bjarmi Skarphéðinsson undir ráðningarsamning sem framkvæmdarstjóri félagsins og verður hann því starfandi sem slíkur til loka sama keppnistímabils.

 
Eftir að þeir Erik og Bjarmi skrifuðu undir var komið að leikmönnunum og Ari Gylfason og Svavar Ingi Stefánsson skrifuðu undir eins árs samning við félagið. Þeir félagar voru öflugir á nýliðnu tímabili og verða áfram í lykilhlutverkum á næsta tímabili. Samningar voru undirritaðir á Kaffi Krús á Selfossi. 
Einnig hefur félagið samið til eins árs við Geir Elías Helgason sem lék með liðinu á síðasta tímabili en hann þykir mikið efni og eru forráðamenn félagsins ánægðir með að hafa samið við þessa þrjá leikmenn.
Það er því ljóst að Fsu ætlar sér stóra hluti á komandi misserum og von er á frekari fréttum af félaginu á næstunni.

FSu Karfa

Tryggvagötu 25
800 Selfoss
Kt 550606-0890

FSu karfa

Tuesday the 17th. Template by Joomla Template 2.5. FSu Karfa - Selfoss
Copyright 2012

©