Undirskriftir samninga.

unnamed6 leikmenn skrifuðu undir nýja samninga við FSu fyrir helgina og munu þessir vösku drengir spila með liðinu á næsta leiktímabili. 

Leikmennirnir sem um ræðir eru Birkir Víðisson, Hlynur Hreinsson, Svavar Stefánsson, Geir Helgason, Erlendur Stefánsson og Þórarinn Friðriksson.

Birkir Víðisson er 19 ára og hefur spilað með FSu frá blautu barnsbeini að undaskildu einu ári sem hann fór til Bandaríkjanna í nám. Hann spilaði 16 leiki á síðasta tímabili og átti mjög góða leiki í lok leiktímabilsins þar sem hann spilaði stórt hlutverk. Til dæmis tryggði hann sigurinn í útileik gegn ÍA á lokasekundum leiksins.

Hlynur Hreinsson er 21 árs og spilar sem leikstjórnandi. Hann var að ljúka sínu fyrsta leiktímabili með FSu og átti hann gott tímabil. Hann skoraði 10 stig að meðaltali í leik og var með um 4 stoðsendingar að meðaltali einnig.

Svavar Stefánsson er FSu maður inn að beini. Hann er 19 ára og hefur leikið fyrir FSu allan sinn feril. Hann skoraði að meðaltali tæp 10 stig í leik á síðasta leiktímabili.

Geir Helgason er 18 ára og var að ljúka sínu öðru ári með FSu. Hann er mikið efni og hefur tekið miklum framförum á þessum tveimur árum sem hann hefur verið með liðinu og verður gaman að sjá hvernig hann kemur inn í sitt þriðja tímabil.

Erlendur Stefánsson var að klára sitt fyrsta leiktímabil með liðinu og tók hann stórstígum framförum á árinu. Hann byrjaði timabilið sem varamaður en var fljótlega komin inn í byrjunarliðið. Það verður gríðarlega spennandi að fylgjast með Ella á næsta tímabili.

Þórarinn Friðriksson er 19 ára og var að klára sitt fyrsta leiktímabil hjá FSu. Hann er að koma til baka eftir löng og erfið meiðsli og hefur lagt á sig mikla vinnu til að komast í leikform aftur. Það verður gaman að sjá hvernig hann kemur inn í næsta leiktímabil því hann er löngu byrjaður að gera sig klárann í fyrsta leik.

Þessir ungu menn eru grunnurinn að okkar unga FSu liði og eru forsvarsmenn félagsins mjög ánægðir með að fá að hafa þá áfram. 

Til hamingju drengir og áfram FSu.

Erik Olson og Collin Pryor framlengja samninga við FSU.

CAM000122Erik Olson aðalþjálfari FSU og Collin Pryor leikmaður liðsins framlengdu í dag samninga sína við liðið um eitt ár og verða því með liðinu á næsta tímabili.

Erik Olson hefur verið tvö tímabil hjá FSU og er mikil ánægja innan félagsins með hans störf. Hann hefur einnig yfirumsjón með akademíustarfi félagsins. Erik er gríðarlega metnaðarfullur þjálfari sem leggur mikla vinnu í verkefnið og hefur hann vakið athygli víða fyrir sitt framlag til liðsins. Hann mun í apríl fara til Þýskalands þar sem hann mun starfa sem aðstoðarþjálfari u-18 ára landsliðs Bandaríkjanna á nokkurs konar heimsmeistaramóti. Það er mikil viðurkenning fyrir Erik og hans starf og endurspeglar metnað hans og árangur í starfi. Hann hefur mikil og sterk sambönd í háskólaboltanum í Bandaríkjunum og mun það halda áfram að nýtast leikmönnum og nemendum innan FSU.

Collin var að klára sitt fyrsta tímabil sem atvinnumaður og var hans frammistaða langt fram úr björtustu vonum, en hann var valinn til FSU sem varnarmaður en sannaði sig heldur betur sóknarlega líka. Hann endaði tímabilið með 28,6 stig að meðaltali, 14,2 fráköst, 3,8 stoðsendingar og 38,3 framlagsstig að meðaltali. Bæði hann og forsvarsmenn félagsins voru ánægðir með samstarfið og því mikil ánægja að hann skuli koma aftur en hann heldur til Bandaríkjanna á morgun.  Hann mun koma aftur í lok sumars og vinna við körfuboltabúðir FSU sem verða í lok Júlí.

 

Lokahóf FSu.

1794636 10203519700740228 257253658 nLokahóf meistarflokka karla og kvenna var haldið síðastliðinn laugardag.

Hjá meistaraflokki kvenna var Hildur Birna Vignisdóttir verðlaunuð fyrir mestar framfarir. Andrea Ýr Úlfhéðinsdóttir fékk verðlaun fyrir mestan dugnað og Jasmine Alston var valin besti leikmaðurinn. 

Stelpurnar voru að klára sitt fyrsta tímabil í 1.deild kvenna og stóðu sig með prýði.

Hjá meistaraflokki karla var Erlendur Stefánsson verðlaunaður fyrir mestar framfarir. Arnþór Tryggvason fékk verðlaun fyrir mestan dugnað og Collin Pryor var valinn besti leikmaðurinn. 

 

Sigur á skaganum.

196045 10152132731786686 370442903 n 2Meistarflokkur karla fór upp á skaga á föstudaginn síðasta þar sem þeir spiluðu við ÍA í 1.deild karla.

Liðin voru fyrir leikinn á svipuðum slóðum í deildinni og þess vegna von á hörkuleik.

FSU byrjaði leikinn betur og skotin voru að detta í byrjun, ÍA voru frekar flatir í sínum aðgerðum á upphafsmínutum leiksins og FSU náði fljótlega ágætis forystu og leiddu leikinn eftir 1.leikhluta 23-34.

Annar leikhluti hófst á svipuðum nótum en um miðjan leikhlutann náðu heimamenn í íA góðum spretti og náðu að minnka muninn í 2 stig. Jafnræði var með liðunum fram að hálfleik en FSU fór þó inn í leikhléð með forystu 49-50.

Seinni hálfleikur fór rólega af stað en þegar um 5 mínutur voru liðnar náðu FSU menn góðum spretti og náðu aftur um 10 stiga forystu sem reyndar hvarf aftur frekar fljótt og ÍA náði forystu fyrir lokahlutann 84-81.

Í lokahlutanum skiptust liðin á að leiða leikinn og spennan orðin gríðarleg undir lokin. FSU kemst yfir 99-101 og aðeins nokkrar 4,8 sekundur eftir af leiknum, heimamenn fara í hraða sókn og enda með neyðarskoti sem endar í körfunni og staðan 101-101 og því þurfti að framlengja leikinn. 
FSU kom sterkara inn í framlenginguna og spiluðu agað og komu sér í góð færi sem þeir nýttu sér vel. ÍA var aldrei langt undan og þegar um 5 sekundur eru eftir ná þeir að jafna leikinn 113-113 og FSU tekur lekhlé. Þar er teiknað upp kerfi til að klára leikinn og Birkir Víðisson nýtir sér það og sækir á körfuna þar sem er brotið á honum og hann fær tvö vítaskot. Það fyrra klikkar en pollrólegur setur hann það seinna niður og aðeins tími fyrir ÍA til að henda boltanum frá miðju að körfunni en það skot geigar og FSU vinnur leikinn 113-114.

Margir spilluðu vel fyrir FSU þetta kvöld. Hlynur Hreinsson var sjóðheitur í fyrri hálfleik og endaði leikinn með 18 og 5 fráköst. Arnþór Tryggvason var frábær í leiknum og setti 17 stig og tók 10 fráköst. Collin Pryor var sterkur þann tíma sem hann spilaði en hann var í villuvandræðum allan leikinn og sat því lengi á bekknum en hann fékk sína 5.villu í 4.leikhluta og endaði með 17 stig og 14 fráköst. Erlendur Stefánsson var mjög góður og hann heldur áfram að bæta sig í skotum utan af velli og hann endaði leikinn með 18 stig og 8 fráköst. Ari Gylfason fór frekar illa af stað og hitti illa í fyrri hálfleik en í þeim seinni setti hann upp skotsýningu af bestu gerð og tók leikinn algjörlega í sínar hendur á tímabili. Hann var með 32 stig og 8 fráköst í lok leiks. Birkir Víðisson kom sterkur inn af bekknum með góðan varnarleik og baráttu í fráköstum og í lok leiksins var hann svellkaldur þegar hann sótti á körfuna ítrekað og endaði svo með að tryggja sigurinn.

Dómarar leiksins virtust óöruggir og voru að missa tökin á leiknum á tímabili, margar ákvarðanir þeirra voru furðulegar en ekki hallaði á neinn í þeim efnum. Skrýtnir dómar á báða bóga og 5 tæknivillur litu dagsins ljós og þeir hafa átt betri daga. En sigur er sigur og næsti leikur er jafnframt sá síðasti á tímabilinum hjá FSU nema að allt falli í hendurnar á liðinu og þeir komist í úrslitakeppnina sem virðist þó mjög ósennilegt. 

Á föstudaginn spila þeir við Vængi Júpiters í Iðu kl 19:15 og vonumst við til að sjá sem flesta þar.

Áfram FSU.

FSu Karfa

Tryggvagötu 25
800 Selfoss
Kt 550606-0890

FSu karfa

Thursday the 19th. Template by Joomla Template 2.5. FSu Karfa - Selfoss
Copyright 2012

©