Fjörið er að byrja.

1378386 203907853123925 17382346 n

Næstkomandi föstudag er biðin á enda. Loksins er körfuboltatímabilið að fara af stað og byrjum við á heimavelli í 1.deild karla föstudaginn 11.október kl 20:30. Mótherjarnir eru Þór frá Akureyri. 

Á laugardaginn 12.október fer svo af stað 1.deild kvenna og þar byrjum við á heimavelli þegar Stjarnan kemur í heimsókn kl 13:00.

 

 

Nágrannar kíktu í heimsókn.

197079 4982014956602 599297546 n 2Síðasti æfingaleikurinn á undirbúningstímabili drengjanna okkar í FSU fór fram í Iðu í kvöld, en stórvinir okkar og nágrannar úr Þorlákshöfn kíktu til okkar í heimsókn. 

FSU tóku nánast strax forystu í leiknum og voru nokkuð sprækir í sókninni en gáfu Þórsurum frekar auðveld skot á fyrstu mínutum leiksins sem þeir nýttu sér vel og voru aldrei langt á eftir. Heimamenn leiddu leikinn allan fyrri hálfleikinn en þó aldrei með miklum mun. Staðan í hálfleik var 38-35 FSU í vil.

Seinni hálfleikur byrjaði svipað og sá fyrri, FSU alltaf fetinu á undan í 3.leikhluta og mikið var skorað í þeim leikhluta. Í 4.leikhluta fóru Þórsarar að hitta vel og komust yfir strax í upphafi leikhlutans. Skemmst er frá því að segja að þeir létu ekki þá forystu af hendi og sigruðu 84-90.

Stigahæstir FSU: Ari 25 stig, Collin 19 stig og 18 fráköst, Svavar 18 stig, Hlynur 15 stig.

Nemanja Sovic leiddi gestina til sigurs með 28 stig.

Eftir viku byrjar svo alvaran og er fyrsti leikur gegn Þór Akureyri í Iðu næstkomandi föstudag 11.október kl 20:30 og hvetjum við alla til að draga fram VHS tækin og taka upp Loga í beinni og skella sér í Iðu til að sjá strákana etja kappi við Þórsara.

Áfram FSU.

Góð ferð norður.

380348 4636274741550 292112693 n 2Okkar menn í FSU lögðu land undir fót og héldu norður á Greifamót Þórs á Akureyri um helgina. Þar voru mætt fjögur lið til leiks, FSU, Þór, KFÍ og Höttur.

Fyrsti leikur okkar manna var gegn KFÍ á föstudagskvöldið. KFÍ er auðvitað í úrvalsdeildinni og hafa staðið í ströngu í Lengjubikarnum þar sem þeir komust í 8 liða úrslit. 

FSU byrjaði leikinn betur og voru mjög frískir í byrjun og leiddu eftir 1.leikhluta 25-20. Áfram héldu FSU menn KFÍ fyrir aftan sig í 2.leikhluta og hertu tökin í vörninni, hálfleikstölur 42-32 FSU í vil. Seinni hálfleikur var eign FSU frá A til Ö og jókst forskotið hægt og þétt og var mest 30 stiga munur á liðunum. FSU menn lönduðu þægilegum sigri 86-61. Stigahæstir: Ari 23, Hlynur 16, Elli 12, Collin 10 stig og 17 fráköst. 

Á laugardagsmorgun var komið að leik við heimamenn í Þór. Eitthvað voru okkar menn lengi að vakna varnarlega en áttu ekki í vandræðum með að skora. Eftir 1.leikhluta leiddi FSU 32-35. Annar leikhluti var aðeins skárri varnarlega og FSU var yfir í hálfleik 53-42. Seinni hálfleikur var mun skárri en sá fyrri og náðu FSU menn mjög þægilegu forskoti í 3.leikhluta og líkt og í fyrsta leik var munurinn orðinn rúm 30 stig og var þá farið að hvíla þá leikmenn sem höfðu mest spilað. Eftir frekar slakan 4.leikhluta vann FSU leikinn 91-76. Stigahæstir: Collin 29 stig og 16 fráköst, Elli 13 stig, Arnþór 12 stig og 9 fráköst, Ari 10 stig. 

Seinna á Laugardeginum mættust FSU og Höttur í hreinum úrslitaleik um sigur á mótinu. FSU byrjaði leikinn betur og leiddu bæði eftir 1.leikhluta og í hálfleik, hálfleikstölur 33-26. Seinni hálfleikur var jafn en þó náði FSU 9 stiga forskoti á tímabili en sóknarleikur okkar manna var ganga illa þá aðallega vegna lélegrar hittni. Hattarmenn klóruðu sig inn í leikinn og komust yfir 58-55 og 4 sek eftir. FSU fær leikhlé og Erik teiknar upp kerfi sem gekk upp og FSU fékk galopið skot til að jafna leikinn en eins og oft áður fór boltinn ofan í og upp úr aftur. Lokatölur 58-55, stigahæstir: Collin 15 stig og 11 fráköst, Hlynur 14 stig, Daði 7 stig, 7 fráköst ,4 stoðsendingar og 4 stolnir boltar.

Á sunnudeginum tóku FSU menn daginn snemma og keyrðu á Akranes og mættu þar heimamönnum. Skemmst er frá því að segja að styrkleikamunur í þessum leik var töluverður og gat Erik leyft sér að hvíla byrjunarliðið mikið eftir átök helgarinnar. FSU leiddi allan leikinn og sigraði leikinn örugglega 93-71. Stigahæstir: Birkir 21 stig, Ari 13 stig og 5 fráköst, Geir 11 stig, Grant 8 stig og 12 fráköst. 

Ferðin var góð í alla staði og allir komnir heim sáttir en þreyttir. Hópurinn þjappast vel saman og eru reynslunni ríkari. 

Sigur í æfingaleik gegn Hetti.

-dadi berg gretarsson010313gk 431601336

Lið Hattar kíkti í heimsókn í Iðu í kvöld og spiluðu æfingaleik við okkar menn. Leikurinn byrjaði fjörlega og voru FSu menn sprækir fyrstu mínuturnar, Hattarmenn fundu taktinn fljótlega og voru ekki langt undan. Í hálfleik var staðan 36-29 FSU í vil. 

Seinni hálfleikur byrjaði með áhlaupi gestanna sem jöfnuðu leikinn og voru snöggir að því, en komust þó aldrei yfir og leikurinn endaði með sigri FSU 63-57.

Stigahæstur okkar manna var Collin Pryor með 15 stig, Ari var með 13 stig og Birkir skoraði 11 stig.

Hlynur Hreinsson var fjarri góðu gamni en hann rotaðist á æfingu í gærkvöldi, en eftir skoðanir hefur komið í ljós að hann er nákvæmlega eins og hann var fyrir höggið fyrir utan skurð í munni þannig að hann verður komin á fullt skrið fljótlega.

Við þökkum Hattarmönnum kærlega fyrir heimsóknina.

FSu Karfa

Tryggvagötu 25
800 Selfoss
Kt 550606-0890

FSu karfa

Saturday the 16th. Template by Joomla Template 2.5. FSu Karfa - Selfoss
Copyright 2012

©