Góður sigur hjá 11.flokk.

Strákarnir í 11.flokk voru komnir snemma á fætur í dag þar sem þeir áttu útileik við Tindastól og þess vegna langt ferðalag framundan. Þeir voru mættir galvaskir rétt fyrir klukkan 6 í morgun til að leggja í hann.

Ferðin hefur greinilega ekki laggst mjög illa í drengina þar sem þeir sóttu sigur í Skagafjörðinn, lokatölur 58-51 FSU í vil.

Stigaskor FSU: Jörundur 16 stig, Sveinbjörn 13 stig, Hilmir 13 stig, Haukur 12 stig, Sindri 2 stig, Sverrir 2 stig. 

Sigur fyrir jólin.

fatherolson 2ÍA kom í heimsókn í Iðu í kvöld og spiluðu við FSU strákana í síðasta leik fyrir jólafrí. ÍA hefur komið mörgum á óvart í haust og voru fyrir leikinn með 8 stig eftir 7 leiki en FSU með 6 stig eftir jafn marga leiki.

FSU byrjuðu leikinn betur og virtust einbeittir í sókninni en varnarleikurinn var ekki eins beittur og þess vegna voru ÍA aldrei langt undan. Collin Pryor fór vel af stað í sókninni og í vörninni beið hans það hlutverk að reyna að hægja á stigahsta leikmanni allra deilda á Íslandi Zachary Warren en hann hefur verið að skora rúm 40 stig að meðaltali í vetur. Staðan eftir 1.leikhluta 24-19 FSU í vil.

Leikurinn var jafn í 2.leikhluta og skiptust liðin á körfum og fóru þar fremstir Collin Pryor og Zachary Warren. Gaman var að fylgjast með þessum leikmönnum eigast við þar sem mikill hæðarmunur er á þeim en Collin er um 2 metrar en Zachary nær varla 180 cm. En sá stutti var samt gríðarlega árásargjarn og iðinn við að skjóta á körfuna. FSU fór inn í hálfleikinn með 5 stiga forystu 45-40. 

Seinni hálfleikur hófst með árás FSU manna, þeir komu mun einbeittari inn á völlinn og fóru að stíga betur upp i vörninni og neyddu gestina til að taka erfið skot og gera mistök í sínum leik. Svavar Ingi fór að raða niður þriggja stiga körfum og Ari var iðinn við að nýta sér göt í vörn ÍA. FSU vann leikhlutann 35-21 og leiddu leikinn 80-61 fyrir lokahlutann. 

Áfram voru FSU menn betri og komust mest í 23 stiga mun og varð leikurinn aldrei spennandi á seinustu metrunum. FSU vann nokkuð sannfærandi sigur 102-87 þar sem nánast allir komu við sögu í leik FSU.

Stigahæstir FSU: Collin 38 stig, 14 fráköst, 5 stoðsendingar, Ari 19 stig, 10 fráköst, 5 stoðsendingar, Svavar 19 stig, Birkir 10 stig, Hlynur 10 stig, 4 fráköst, 10 stoðsendingar.

 

Síðasti leikur fyrir jól.

logo fsuÁ fimmtudaginn er síðasti heimaleikur ársins í Iðu þegar ÍA kemur í heimsókn kl 19:15. 

Þessi leikur er gríðarlega mikilvægur fyrir bæði lið þar sem baráttan er hörð í efri helming deildarinnar. Bæði lið hafa tapað síðustu tveimur leikjum sínum í deildinni og þurfa á sigri að halda til að rétta af hallann. 

Við viljum hvetja alla til að mæta í Iðu og styðja FSU til sigurs í leiknum. Heitt verður á könnunni í fyrir leik og í hálfleik og er ekki reiknað með öðru en að hér verði gríðarlega spennandi leikur á ferð.

ÁFRAM FSU.

Þriðji tapleikurinn í röð staðreynd.

Hamarsmenn fengu nágranna sína frá Selfossi í heimsókn í Frystikistuna í Hveragerði í kvöld. Bæði lið vildu enda taphrinur sínar en Hamarsmenn höfðu tapað síðustu þrem leikjum en FSu síðustu tveimur.
 
 
Hamarsmenn byrjuðu leikinn af miklum krafti og komust í 10-2 en þá tók FSu leikhlé. Þeir unnu sig inn í leikinn en þó voru Hamarsmenn alltaf skrefinu á undan og var staðan eftir fyrsta leikhluta 28-22. Í öðrum leikhluta snérust þó hlutirnir við og FSu tók stjórnina, þeir jöfnuðu metin í 30-30 og Hamarsmenn tóku leikhlé. FSu héldu þó áfram að keyra á þá og komust þeir í 39-44 þegar tæpar þrjár mínútur voru eftir. Þá tók Hamar aftur leikhlé og jafnaðist leikurinn. Staðan 40-45 FSu í vil. Stigahæðstur í liði Hamars var Danero með 17 stig en Pryor var með 15 í liði gestanna. 

Síðari hálfleikur hófst líkt og leikurinn byrjaði, með áhlaupi heimamanna. Eftir þrjár mínútur tók FSu leikhlé og Hamarsmenn komnir yfir 47-45. Hart var barist inná vellinum og voru bæði lið að fá mikið af villum á sig, hjá gestunum voru Pryor og Svavar komnir með fjórar og hvíldu þeir út leikhlutann. Þriðji leikhlutinn var allur jafn og fyrir loka fjórðunginn var staðan 62-60 fyrir Hamar. Danero var komin með 28 stig en hjá gestunum var Ari að stíga upp með 20.
 
Í fjórða leikhuta var mikil spenna og hart barist um alla bolta. Hamars menn komust í 70-62 en FSu jafna 70-70 og Hamar tekur leikhlé með 6:02 eftir á klukkunni. Þegar um ein og hálfmínuta var eftir setti Halldór Jónsson risa þrist fyrir heimamenn og kom muninum í 83-76 FSu skoraði síðan í næstu sókn og stálu boltanum og Pryor tróð með tilþrifum. 83-80. Hamarsmenn töpuðu síðan boltanum í næstu sókn og FSu tók leikhlé með 33 sekúndur á klukkunni. Svavar fékk boltan fyrir utan línuna og setti niður trölla þrist og janaði metin. Hamarsmenn tóku þá leikhlé og voru 25 sek eftir. Aron fékk fínt skotfæri en það geigaði og Fsu hélt í sókn. Boltinn hrökk útaf þegar 4 sekúndur voru eftir og Fsu átti innkast. Pryor fékk boltan og skaut, en boltinn skoppaði af hringnum og því þurfti framlengingu.
 
Í framlengingunni skiptust liðin á að skora stórar körfur og í stöðunni 96-94 byrjuðu Hamarsmenn að taka framúr og kláruðu þeir leikinn á línunni lokatölur 101-97. Hjá Hamri var Danero Thomas atkvæðamestur með 42 stig, 10 fráköst og 5 stoðsendingar, næstur á eftir honum var Halldór Jónsson með 20 stig. Í liði Fsu var Ari með 27 stig og Pryor með 25 stig og 11 fráköst. Hamarsmenn unnu þar með sinn fyrsta heimaleik og enduðu taphrinu sína, en FSu þarf að bíta í súrt epli og eru þeir búnir að tapa síðustu þremur leikjum.

FSu Karfa

Tryggvagötu 25
800 Selfoss
Kt 550606-0890

FSu karfa

Wednesday the 23rd. Template by Joomla Template 2.5. FSu Karfa - Selfoss
Copyright 2012

©