Góður sigur á Breiðablik.

1426696 10100140208549590 1785540542 nFSU og Breiðablik mættust í Kópavogi á föstudagskvöldið í 1.deild karla. Síðasta vika var erfið vegna lokunar í Iðu og einnig vegna veikinda og meiðsla leikmanna. 

Allir voru þó mættir í rútuna og fóru í búning á áfangastað. Breiðablik eru með mjög sterkt lið og var vitað fyrir leikinn að hart yrði barist um stigin sem voru í boði. FSI byrjaði leikinn betur og var það Collin Pryor sem fór gríðarlega vel af stað í leiknum. FSU leiddi 23-19 eftir fyrsta hluta. Annar leikhluti var jafn og spennandi en þar voru heimamenn sterkari og minnkuðu muninn fyrir hlé í 48-47.

Seinni hálfleikur fór ekki vel af stað fyrir FSU en Breiðablik voru mun sterkari í 3.hlutanum og í byrjun þess fjórða voru þeir komnir með 9 stiga forystu. En þá kom áhlaup FSU manna sem tóku öll völd á vellinum í síðasta fjórðung leiksins en þann hluta unnu FSU 24-9 og tryggðu sér gríðarlega mikilvægan sigur 83-75.

Sigahæstir FSU: Collin 27 stig, 13 fráköst, Ari 22 stig, Svavar 11 stig, 9 fráköst, Daði 10 stig, Erlendur 9 stig.

Næsti leikur hjá strákunum er á fimmtudaginn næsta í Iðu en þá taka þeir á móti Augnablik kl 19:15.

Auðveldur sigur í bikarnum.

logo fsuFSU mætti Aftureldingu í bikarkeppni karla í Mosfellsbæ í kvöld í 32 liða úrslitum. Afturelding spilar deild neðar en FSU eða í 2.deild. Ari Gylfason, Sigurður Hafþórsson og Hlynur Hreinsson spiluðu ekki með í kvöld vegna meiðsla og veikinda.

Afturelding byrjaði leikinn betur og komust í 6-2 á upphafsminutunum en eftir það sáu þeir ekki mikið til sólar enda leikurinn spilaður innandyra á fallegu haustkvöldi. FSU tók völdin í leiknum og spiluðu fast í vörninni og neyddu gestgjafana til að gera ótalmörg mistök í sínum sóknaraðgerðum. Eftir fyrsta leikhluta leiddi FSU leikinn 27-12.

Annar leikhluti var svipaður og sá fyrsti, Geir Helgason var að spila gríðarlega vel og skoraði hann fyrstu 14 stig leikhlutans og var kominn með 26 stig í hálfleik og staðan að honum loknum var 55-29 FSU í vil.

Seinni hálfleikur var leikur kattarins að músinni. Ungu strákarni fengu að spreyta sig og stóðu sig vel. Skemmst er frá því að segja að sigur FSU var mjög öruggur eða 96-43. 

Geir Helgason var besti maður vallarins í kvöld en hann endaði leikinn með 40 stig og skoraði hann alls 10 þriggja stiga körfur. Einnig tók hann 5 fráköst og spilaði glimrandi góða vörn. Erlendur Stefánsson var með 20 stig, 5 fráköst og 11 stolna bolta. Svavar Ingi var með 8 stig og 9 fráköst, Haukur Hreinsson var með 6 stig, og Grant Bangs var með 6 stig 17 fráköst. Arnþór Tryggvason tók 11 fráköst.

Gaman verður að sjá hvaða andstæðingur kemur upp úr pottinum í næstu umferð.

Eyþór Ingi & Atomskáldin í Iðu.

timthumbFöstudaginn 8.nóvember kl 20:00 fara fram tónleikar í Iðu á vegum Körfuknattleiksfélags FSU og EB kerfa. Þar munu koma fram Eyþór Ingi & Atomskáldin ásamt góðum gestum.

Þetta er í fyrsta skipti sem Eyþór Ingi mun flytja efni af sinni fyrstu plötu á sviði. Engu verður til sparað í uppsetningu þessara tónleika og hvetjum við alla til að tryggja sér miða á þennan frábæra viðburð. 

Miðasala fer fram á miði.is og einnig er hægt að nálgast miða í gegnum This email address is being protected from spambots. You need JavaScript enabled to view it. 

https://www.facebook.com/events/275384025919689/?ref_newsfeed_story_type=regular

Helgin nálgast.

Næstkomandi helgi er spennandi eins og flestar aðrar helgar hjá okkur. Á föstudaginn fara strákarnir í meistaraflokki karla í Mosfellsbæ þar sem þeir mæta Aftureldingu í bikarnum. Afturelding spilar í 2.deild karla og verður gaman að heimsækja þá. Leikurinn byrjar kl 19:00.

Á sunnudag fara stelpurnar í Grafarvog þar sem þær mæta Fjölni kl 20:15. FSU stelpurnar okkar eru enn að leita að sínum fyrsta sigri í deildinni en lið Fjölnis er mjög sterkt en stelpurnar eru orðnar hungraðar í sigur og ætla að láta til sín taka í þessari ferð.

Á mánudaginn eiga strákarnir í unglingaflokki útileik við Val og hefst sá leikur kl 20:30 og fer fram á Hlíðarenda.

FSu Karfa

Tryggvagötu 25
800 Selfoss
Kt 550606-0890

FSu karfa

Wednesday the 22nd. Template by Joomla Template 2.5. FSu Karfa - Selfoss
Copyright 2012

©