Frá forráðamönnum FSU.

poster þórÁ morgun byrjar 1.deild karla í körfubolta leiktímabilið 2013-2014. Í sumar hefur verið lögð mikil vinna í að undirbúa leikmenn og félagið í heild fyrir þennan dag. Liðið sem hefur verið sett saman fyrir veturinn er skemmtilegt og vel spilandi og umfram allt góðir drengir. Heimilið okkar, Iða á Selfossi er okkur mjög kært. Þar vljum við hafa mikið af fólki og mikið fjör alla daga og ekki síst á leikdögum. Síðustu ár hafa áhorfendur verið latir við að koma í heimsókn í Iðu. Hvers vegna vitum við ekki alveg en örugglega eru margar ástæður fyrir því. Reyndar hefur það hitt þannig á síðustu árin að oft hafa verið handboltaleikir og körfuboltaleikir á sama deginum í bænum og fólk hreinlega þurft að velja á milli. En þannig er það ekki í ár. Venjulega höfum við spilað okkar heimaleiki á föstudögum en í vetur munum við spila á fimmtudögum að mestu fyrir utan fyrstu og síðustu umferð. Fólk þarf ekki að kunna þessa íþrótt til að hafa gaman af henni. Þetta eru fjörugir og hraðir leikir og þetta er auðvitað móðir allra íþrótta. 

Ef einhver hefur ekki séð uppsetninguna í Iðu á leikdögum þá er sá hinn sami að missa af miklu. Svartar drapperingar og sérhönnuð lýsingin mynda skemmtilega sýn á leikinn fyrir áhorfendur og í ár verður brugðið á leik milli leikhluta og fyrir heimaleiki með sprelli og fjöri. 

Við bjóðum hér með öllum í heimsókn í Iðu í vetur á hvaða leiki sem er og við hlökkum til að sjá ykkur.

 

Körfuboltakveðjur.

Forráðamenn körfuknattleiksfélags FSU

Tap hjá unglingaflokki í fyrsta leik.

FSU HaukarUnglingaflokkur FSU tók á móti Haukum í Iðu í kvöld í sínum fyrsta leik á Íslandsmótinu á þessu tímabili.

Leikurinn fór vægast sagt hægt af stað og áttu bæði lið í mesta basli með að koma boltanum ofan í körfuna. Haukarnir voru fyrri til að hrista af sér slenið og náðu forystu og leiddu eftir 1.leikhluta 7-12. Næst leikhluti var töluvert fjörugri og fóru menn að hitta úr allskonar skotum en varnarleikurinn var ekki merkilegur í þessum hluta leiksins. Staðan í hálfleik 34-40 Haukum í vil. Seinni hálfleikur hófst með miklu áhlaupi Hauka og virtust FSU menn algjörlega búnir að gleyma þeirri gömlu list að senda og grípa bolta. Haukar náðu mest 18 stiga forskoti í þessum hluta en FSU lagaði aðeins stöðuna fyrir lokahlutann. Staðan eftir 3.leikhluta 49-55 og Haukar enn yfir. 

Síðasti hlutinn var í járnum, liðin skiptust á að skora og hvorugt liðið vildi gefa eftir en í lok leiksins voru það Haukar sem kláruðu sínar sóknir og uppskáru sigur 61-71.

Tala kvöldsins er 29, en það er hversu oft FSU menn töpuðu boltanum og það vinnast ekki margir leikir með svona mörgum mistökum sóknarlega. 

Stigahæstir FSU: Elli 20 stig, Birkir 15 stig, Geir 12 stig.

Hinn 16 ára Haukur Hreinsson kom með mikla orku inn í leikinn af bekknum og sýndi að hann á heima í þessu liði og Maciej "big country" skilaði góðum mínutum. 

 

Unglingaflokkur hefur leik á morgun.

teamRitstjóra síðunnar láðist að nefna að fyrsti leikur komandi leiktímabils er á morgun þriðjudag í Iðu þar sem unglingaflokkkur FSU tekur á móti Haukum kl 20:00. Unglingaflokkur FSU er skemmtilega blandaður af strákum með töluverða reynslu í meistaraflokk og yngri strákum sem eru að stíga síðustu skrefin í átt að meistaraflokki. Spennandi verður að fylgjast með þessum ungu strákum í vetur en þarna fer næsta kynslóð FSU liðsins.

Það er alltaf líf og fjör í Iðu.

Fjörið er að byrja.

1378386 203907853123925 17382346 n

Næstkomandi föstudag er biðin á enda. Loksins er körfuboltatímabilið að fara af stað og byrjum við á heimavelli í 1.deild karla föstudaginn 11.október kl 20:30. Mótherjarnir eru Þór frá Akureyri. 

Á laugardaginn 12.október fer svo af stað 1.deild kvenna og þar byrjum við á heimavelli þegar Stjarnan kemur í heimsókn kl 13:00.

 

 

FSu Karfa

Tryggvagötu 25
800 Selfoss
Kt 550606-0890

FSu karfa

Monday the 18th. Template by Joomla Template 2.5. FSu Karfa - Selfoss
Copyright 2012

©