Upplýsingar um æfingatíma og þjálfara

Upplýsingar um æfingatíma og þjálfara yngri flokka hjá FSU-KÖRFU hafa verið uppfærðar hér á heimasíðunni.

Smellið á hnappana „Þjálfarar“ eða „Æfingatímar“  undir fyrirsögninni „Yngri flokkar“ hér vinstra megin á síðunni. Upplýsingar um æfinga-/félagsgjöld í vetur verða settar inn mjög fljótlega.

 

 

 

Nýr liðsmaður úr Hafnarfirði

Sigurjón Unnar Ívarsson mun æfa og leika með FSU á komandi keppnistímabili. Sigurjón, sem alinn er upp hjá Haukum, er 17 ára bakvörður og hluti af sterkum aldamótaárgangi þeirra Hafnfirðinga en drengjaflokkur Hauka varð Íslandsmeistari sl. vor, og gott ef ekki bikarmeistari líka.Sigurjon UnnarH17

Sigurjón ákvað að hleypa heimdraganum, er sestur á skólabekk í FSu og sækir þar m.a. kennslustundir í Körfuboltaakademíunni. 

Sigurjón er frískur og efnilegur strákur sem styrkir æfingahópinn og á eftir að auka samkeppni um mínútur í liðinu.

Velkominn, Sigurjón.

 

 

 

 

 

 

 

 

 

 

 

 

 

 

 

 

 

Maciek aftur heim

Maciek Klimaszewski er aftur kominn heim í FSU eftir ársdvöl í Stykkishólmi. Fyrr í sumar skrifaði hann undir tveggja ára samning og mun í vetur spila sitt 6. ár með félaginu. 

Þessi 22 ára, rúmlega 2 metra hái miðherji þéttir sannarlega raðirnar í vítateigunum, þar sem á síðasta ári var fáliðuð fylking, og er kærkomin viðbót við góðan hóp leikmanna.

MaciekH17

Í Stelpubúðum Helenu

Þessar flottu FSU-stelpur fóru á Körfuboltabúðir Helenu og Hauka í sumar. Þær eru frá vinstri talið Viktoría Eva, Amelía Rán, Diljá Salka og Aðalheiður Sara. Þær Amelía og Diljá sóttu búðirnar nú í þriðja sinn en Viktoría og Aðalbjörg voru þar í fyrsta sinn. Stelpurnar voru himinlifandi með búðirnar, eins og sjá má af brosmildum andlitunum. Áfram FSU-KARFA, og takk Helena, fyrir að vera góð fyrirmynd og gefa af þér.FSUstelpurhjá Helenu2017

FSu Karfa

Tryggvagötu 25
800 Selfoss
Kt 550606-0890

FSu karfa

Saturday the 16th. Template by Joomla Template 2.5. FSu Karfa - Selfoss
Copyright 2012

©